अछाम – जिल्लाका एक वडा अध्यक्षको नेत्रित्वमा खानेपानीको मुहान तोडफेड गरिएको छ । पञ्चदेवल विनायक नगरपालिका वडा नम्वर ६ का वडा अध्यक्ष पुर्ण बहादुर रावलको नेत्रित्वमा पञ्चदेवल विनायक नगरपालिकाको खानेपानी योजनाको मुहान पुर्ण रुपमा क्षेती हुने गरि तोडफोड गरिएको हो ।

वडा नम्वर २ विनायक र वडा नम्वर ६ तोलीको सिमानामा पर्ने उक्त मुहानको पानीबाट सम्पुर्ण तोली बासी लाभाम्वित भइरहेका र आफु संग कुनै सहकार्यनै नगरि योजनाको काम धमाधम भइरहेकाले निर्माणधिन योजना तोडफेड गर्न बाध्य भएको अध्यक्ष रावलले स्वइकारेका छन ।

आफ्नै ठाउँमा निर्माणधिन योजनाको बिषयमा कुनै जानकारी नभएको र यसरी सहकार्य विनै मनोमानी ढंगबाट पानी लिन खोजेको भन्दै अध्यक्ष रावलले आपत्ती जनाए ।

नगरपालिकाको आर्थिक बर्ष २०७६÷७७ र ०७७÷७८ को बिनियोजित बजेट मार्फत निर्माण भइरहेको खानेपानी योजना विवादित बनेपछि योजनाको निर्माण कार्य रोकिएको छ ।

पञ्चदेवल विनायक नगरपालिकाको खानेपानी योजनामा आफ्ना पार्टीका कार्यकर्ता उपभोक्ता समितिमा नसमेटिएको भन्दै अध्यक्षले यसरी तोडफोड गर्न निर्देशन दिएको उक्त योजना उपभोक्ता समितीका अध्यक्ष बखत बहादुर कडायतले आरोप लगाए ।

नगपालिकाको बाघ डोर सम्हालेका वडा अध्यक्ष जस्तो जिम्मेवार पदमा रहि नगरपालिकाकै योजनामा गुण्डागर्दि शैलीबाट हस्तक्षप गर्न खोज्नु गएर जिम्मेवारी काम भएको समिती अध्यक्ष कडायतले खेद पर्कट गरे ।