अछाम । अछाम जिल्ला शुक्रबार ३७ जनामा कोरोना भाईरसको संक्रमण देखिएको पुष्टी भएको छ । डडेलधुरा उपक्षेत्रिय अस्पतालको प्रयोशालामा गरिएको परिक्षणका क्रममा साँफेबगर नगर पालिकाका २५ तथा पञ्चदेवल बिनायक नगरपालिकाका १० गरी ३५ जनमा कोरोना भाईरसको संक्रमण देखिएको हो ।

जसमा १ जना यसअघि संक्रमण देखिएको पुन परिक्षणमा पनि पोजेटिभ नै देखिएको बताईएको छ । ३५ जना मध्ये बयालपाटा अस्पतालका मात्रै १९ जनालाई कोरोना भाईरसको संक्रमण देखिएको छ ।

बयालपाटा अस्पतालको विभिन्न बिभागमा कार्यरत स्वास्थ्यकर्म तथा कर्मचारीमा कोरोना भाईरसको संक्रमण पोजेटिभ देखिएको अस्पतालले जनाएको छ । अस्पतालको बिभिन्न बिभागका १९ जनामा कोरोनाको संक्रमण पुष्टी भएको अस्पतालका स्वास्थ्य सेवा निर्देशक डाक्टर बिकाश गौचनले बताए ।

यस्तै अछामका ३७ सहित सुदूरपश्चिममा थप ९२ जनामा कोरोना पुष्टि भएको छ । सेती प्रादेशिक अस्पतालको प्रयोगशाला र डडेल्धुरा अस्पतालको प्रयोगशालामा भएको परीक्षणमा थप ९२ जनामा संक्रमण पुष्टि भएको छ ।

डडेल्धुरा अस्पतालमा पछिल्लो २४ घण्टामा पाँच सय २९ जनाको कोरोना परीक्षण भएकोमा ५६ जनामा संक्रमण पुष्टि भएको प्रयोगशालाका इन्चार्ज ईश्वरी प्रशाद भूषालले जानकारी दिए । उनका अनुसार डोटीको शिखर नगरपालिकाका १३, केआईसिंह नगरपालिकाका दुई र जोरायल गाउँपालिकाका एक जना रहेका छन् ।

डडेल्धुराको नवदुर्गा गाउँपालिकाका दुई र बैतडीको सिगास गाउँपालिकाका दुई जनामा पनि संक्रमण पुष्टि भएको छ । सेती अस्पतालको प्रयोगशालामा पछिल्लो २४ घण्टामा चार सय २६ जनाको कोरोना परीक्षण भएकोमा ३६ जनामा संक्रमण देखिएको छ ।

कैलालीका ३४ र अछामका दुई जनामा संक्रमण पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए । उनका अनुसार धनगढी उप–महानगरपालिकाका १४ महिला र १६ पुरुष गरी ३० जना र गोदावरी नगरपालिकाका चार पुरुष रहेका छन्।

धनगढी वडा नम्वर ३, ४ र ११ का एक÷एक जना, १२ का ११ जना, १३ का दुई जना, १४ का ५ जना, १८ का ६ जना र वडा नम्वर १९ का तीन जनामा संक्रमण पुष्टि भएको हो। यता अछामको बान्नीगढी जयगढका एक महिला र एक पुरुषमा पनि संक्रमण पुष्टि भएको छ ।