अछाम । एकैदिन बयालपाटा अस्पतालमा १९ जनामा कोरोना संक्रमण देखिएपछि अस्पताल पूर्ण रुपमा सिल गरिएको छ ।

ठुलो संख्यामा कर्मचारीमा संक्रमण देखिएपछि अस्पताल सिल गरिएको स्वासथ्य सेवा निर्देशक डाक्टर बिकाश गौचनले बताए । उनका अनुसार अर्को थप सुचना नआउन्जेल सम्मका लागि अस्पताल पूर्ण रुपमा सिल गरिएको हो ।

यस अघि अस्पतालमा कार्यरत २ जना कर्मचारीमा संक्रमण देखिएपछि अस्पतालका आकस्मिक बाहेकका सेवा बन्द गरेको थियो । तर शुक्रबार एकैदिन १९ जनमा संक्रमण देखिएपछि अस्पताल पूर्ण रुपमा सिल गरिएको डाक्टर गौचनले बताए ।

स्वास्थ्यकर्मी र कर्मचारीमा नै संक्रमण देखिएपछि यसको जोखिम सुमदाय सम्म धेरै फैलिन सक्ने सम्भावना रहेको भन्दै अस्पताल सिल गरिएको हो । अस्पताल आउने सेवा ग्राहीसम्म संक्रमण नफैलियोस् भनेर अस्पताल सिल गरिएको अस्पतालले जनाएको छ ।

सबैले मास्क प्रयोग गर्न, सामाजिक दुरी कायम गर्न तथा साबुन पानीले धात धोएरु सुरक्षित बस्ने समेत डाक्टर गौचनले आग्रह गर्नुभएको छ ।