एजेन्सी – नेपाली लेग स्पिनर सन्दीप लामिछानेको टिम जमैका तलावाजले क्यारेबियन प्रिमियर लिग (सीपीएल)मा दोस्रो जित निकालेको छ। उसले गुएना अमाजोन वारियर्सलाई ५ विकेटले हराउँदै जित निकालेको हो।

पहिलो इनिङमा ब्याटिङको निम्तो पाएको अमेजनले ९ विकेट गुमाउँदै सम्पूर्ण ओभर खेलेर १०८ रन बनाएको थियो। १०९ रनको लक्ष्य पछ्याएको तलावाजले १८ ओभरमै ५ विकेट गुमाएर ११३ रन बनाउँदै खेल आफ्नो पोल्टामा पार्न सफल बनेको थियो।

टस जितेर फिल्डिङ सम्हालेको तलावाजको तर्फबाट सन्दीपले एक विकेट लिए। साथै फिडेल एडवर्ड र मुजिव उर रहमानले समान ३/३ विकेट लिएका थिए।

इता ब्याटिङ सम्हालेको अमेजनका तर्फबाट रोस टेलरले २३ रनको योगदान दिए भने नविन उल हकले २० रन बनाए। अन्य खेलाडीले सम्झनलायक प्रदर्शन गरेनन्।

त्यस्तै तलावाजका नक्रुमह बोन्नेरले अविजित ३० रन बनाउँदा ग्लेन फिलिप्सले २६ रन साथै जर्मिनाइ ब्याकवुड र आन्दै रसेलले समान २३ रन बनाए।

अमेजनका नविन उल हकले दुई विकेट लिए। राउन्ड रोविनमा दोस्रो जितसहित अतलावाज ४ अंकका साथ चौथो स्थानमा छ।