काठमाडौं । पछिल्लो २४ घण्टामा विश्वमा २ लाख १० हजार १८३ कोरोना संक्रमितको पहिचान भएको छ ।

यो अघिल्लो दिनको तुलनामा केही धेरै भएको विश्व स्वास्थ्य संगठनको तथ्यांकमा उल्लेख छ । अघिल्लो २४ घण्टामा २ लाख ९ हजार ८४३ संक्रमित थपिएका थिए । 

यस्तै पछिल्लो २४ घन्टमा ४ हजार ५८८ कोरोना संक्रमितको मृत्यु भएको छ । अघिल्लो २४ घण्टामा ४ हजार ७८ कोरोना संक्रमितको मृत्यु भएको विश्व स्वास्थ्य संगठनको तथ्यांकमा उल्लेख छ ।  

विश्वका २१६ देशमा फैलिएको कोरोनाका कारण हालसम्म ८ लाख १५ हजार ३८ संक्रमितको ज्यान गइसकेको छ भने संक्रमितको संख्या २ करोड ३७ लाख ५२ हजार ९६५ पुगेको छ ।