हाेम साउद, अछाम ।

मंगलसेन नगरपालिकाका प्रमुख प्रशासकीय अधिकृत ओमकार शाहकाे बिदाइ गरिएको छ । २०७६ चैत ७ गतेबाट मंगलसेन नगरपालिकामा प्रमुख प्रशासकीय अधिकृत रहेका शाहकाे मधुवन नगरपालिका बर्दियामा सरुवा भएपछि नगरपालिकाले एक कार्यक्रमका विच बिदाइ गरिएको हाे ।

मंगलसेन नगरपालिका सुशासन समिति संयाेजक तथा वडानम्वर ६ का अध्यक्ष जनकराज भण्डारीकाे अध्यक्षतामा भएको बिदाइ कार्यक्रममा नगरप्रमुख पदमबहादुर बाेहरा प्रमुख अतिथि रहेका थिए । कार्यक्रममा बाेल्दै नगर प्रमुख बाेहराले उपसचिव पदकाे प्रशाशक पाउनु नगरपालिकाकाे लागि अहाेभाग्य भएको बताए ।

कर्मचारी भएपछि सरुवा बढुवा स्वभाविक भएको भन्दै जह गएपनि कर्मचारी जीवन सफलताको कामना गरे। सेवा अवधिमा मंगलसेन नगरमा भएका राम्रा कुराहरु बाहिर लैजान र कमि कमजाेरिहरु यतै विर्षेर जान नगर प्रमुख बोहराको अनुराेध थियो ।

कार्यक्रममा नगर उपप्रमुख सरिता उपाध्यायले अागामि कार्यकालकाे सफलताको शुभकामना ब्यक्त गरिन । बिदाइ भएर जानुभएका प्रमुख प्रशासकीय अधिकृत अाेमकार शाहले अाफुले मंगलसेन नगरपालिकामा ५ महिनाको अवधिमा धेरै कुरा सिक्ने अवसर पाएकाे बताए ।

नगरप्रमुख, उपप्रमुख र अन्य कर्मचारीकाे साथ सहयाेगले सेवामा निकै सहजता महसुस भएको बताएक थिए । बिभिन्न वडाका वडा अध्यक्षहरु, कार्यपालिका सदस्यहरु र कर्मचारीकाे उपस्थिति रहेकाे बिदाइ कार्यक्रमकाे सञ्चालन नायव सुब्बा बिष्णु जैशिले गर्नुभएको नगरपालिकाका सूचना अधिकारी तथा याेजना अधिकृत खकेन्द्र बहादुर साेडारिले जानकारी दिए ।