“७ बर्ष देखि भारतमा उपचारार्थ धमालीका बिरेन्द बहादुर बिष्टलाई पनि ९५ हजार बढी सहयोग”

अछाम । दुबै मृगोला फेल भई उपचाररार्थ पत्रकार धु्रव बिसीको उपचारमा सघाउ पुरयाउन विभिन्न क्षेत्रबाट सहयोग हुने क्रम जारी रहेको छ ।

उपचारका लागि लाग्ने रकम अझै पनि कम हुदाँ सहयोग रकम जुटाउन यस क्षेत्रका नागरिक, समाजसेवी स्थानिय तह लगायत लागि परेका छन् ।

यसै बिच तुर्माखाँद गाँउपालिकाका जनप्रतिनिधि, कर्मचारी, गैरसरकारी संस्था तथा व्यापारीहरुले रकम संकलन गरी उपचारार्थ पत्रकार बिसीको नाममा जम्मा गरेका छन् ।

दुबै मृगौला फेल भएर बिरामी अस्पतालको जीवन बिताईरहेका पत्रकार बिसीको उपचारका लागि त्यस क्षेत्रबाट संकलन भएको ९० हजार ८ सय रकम जम्मा गरिएको हो ।

यस्तै बिगत ७ बर्ष देखि भारतको हैदराबादमा डाईलासिस गराईरहनु भएका तुर्माखाँद गाउँपालिका वडा न. ८ धमाली स्थाई घर भएका बिरेन्द बहादुर बिष्टलाई पनि सहयोग रकम संकलन गरि पठाईएको छ ।

बिष्टलाई त्यस क्षेत्रका जनप्रतिनिधि, कर्मचारी, गैरसरकारी संस्था तथा व्यापारीहरुले ९५ हजार ८ सय रकम संकलन गरि पठाएका हुन् । दुबै जनाको उपचारका सहयोग पुगोस भनेर रकम संकलन गरि पठाईएको गाँउपालिका अध्यक्ष पुष्पराज शर्माले बताए ।