“शिविरमा २० जना महिलामा पाठेघरको मुखको क्यान्सरको जाँच गरियो“

अछाम ।

रामारोशन गाँउपालिकामा भएको स्वास्थ्य शबिरमा करिब ४०० जतिले स्वास्थ्य सेवा तथा परार्मश सेवा लिएका छन् । स्वास्थ्य कार्यालय अछामको आयोजना भएको शिबिरमा ३ सय १५ जनाले प्रत्यक्ष स्वास्थ्य सेवा पाएका स्वास्थ्य कार्यालय अछामका प्रमखु झनकराज ढुंगानाले बताए ।

रामारोशन गाउपालिका र प्रमुख जिल्ला अधिकारी ज्युको समन्वय र जिल्ला अस्पताल अछामको प्राबिधिक सहयोगमा सैनिबजार र धनेसल्लामा आयोजना भएको शिबिरमा ५९ जनाले स्वास्थ्य परार्मश सेवा लिएका प्रमुख ढुंगानाको भनाई छ ।

दुई स्थानमा सम्पन्न भएको स्वास्थ्य शिविरमा २० जना महिलामा पाठेघरको मुखको क्यान्सरको जाँच समेत गरिएको उनले जानकारी दिए । शिबिरमा आएका अधिकांस बिरामीहरू उच्च रक्तचापका, पेटदुख्ने समस्या, मानसिक समस्या, महिलाहरूमा तल्लो पेट दुख्ने समस्याका बढि देखिएको शिबिरमा सहभागि डा. प्रेम प्रसाद ढुंगानाले बताए ।

शिबिरमा रामारोशन गाउपालिका उपाध्यक्ष सरस्वती रावल, डा. प्रेम प्रसाद ढुंगाना, अस्पताल नर्सिङ निरीक्षक गंगा बुढामगर, सि.अ.न.मी. टीका शर्मा लगायतको टिम शिविरले शिबिर संचालन गरेको थियो ।