काठमाडौं । कोरोना संक्रमण बढ्दै जाँदा विश्वभर संक्रमितको संख्या २ करोड ६७ लाख नाघेको छ ।  

विश्व स्वास्थ्य संगठनका अनुसार हालसम्म विश्वमा कोरोना संक्रमितको संख्या २ करोड ६७ लाख ६३ हजार २१७ पुगेको छ ।

पछिल्लो २४ घण्टामा मात्रै २ लाख ९४ हजार ५३३ संक्रमित थपिएका छन् भने ५ हजार ४४६ संक्रमितको ज्यान गएको छ । 

विश्वका २१६ देशमा फैलिएको कोरोना भाइरसको संक्रमणका कारण हालसम्म ज्यान गुमाउनेको संख्या ८ लाख ७६ हजार ६१६ पुगेको छ । 

कोरोना संक्रमणको दर तीव्र रुपमा फैलिरहँदा दैनिक ५ हजार देखि ६ हजार संक्रमितको मृत्यु भइरहेको छ ।