बाजुरा – मानव अधिकार रक्षक संजाल जिल्ला शाखा बाजुराले विभिन्न माग सहित जिल्ला प्रशासन कार्यालय बाजुरामा ज्ञापन पत्र बुझाएको छ । 

जिल्लामा भैरहेका समसामयिक विषयलाई उठान गरी सो बिषयमा प्रसाशनको ध्यान आर्कषण गराउनका लागि ज्ञापन पत्र बुझाएको मानव अधिकार रक्षक संजाल बाजुराका अध्यक्ष निमेन्द्र शाहीले बताए ।

कोभिड-१९ को संक्रमणले थिलथिलो बनेको विश्वमा नेपाल पनि अछुतो छैन, बाजुरा अहिले बाहिर जिल्लाबाट भित्रिनेहरुको लहरले गर्दा कोरोनाको जोखिममा छ ।

मानव अधिकार रक्षक संजालले मानव अधिकारका विषयमा लामो समयदेखि वकालत गर्दै आएको र विश्वव्यापी मान्यतालाई शिरोपर गरी हाम्रो संविधानले मानव अधिकारहरुलाई मौलिक हकको रुपमा व्यवस्था गरिएको छ ।

त्यसैले जिल्लामा भएका गतिविधि नियम र निति संगत तरिकाले अगाडी बढ्न नागरिकले आफ्नो अधिकार पाएको र राज्यको उपस्थितिलाई अनुभुती गर्न पाउँन् भन्ने उद्देश्यले ध्यानार्कषण गराएको अध्यक्ष शाहीले जानकारी दिए ।