होम साउद, अछाम –

जिल्लाको सदरमुकाम समेत रहेको मंगलसेन नगरपालिकाले ब्यक्तिगत घट्ना दर्ता कार्य अनलाईन प्रणाली मार्फत सुरु गरेको छ । नगरको वडा नम्वर ४ बाट औपचारीक रुपमा अनलाईन घट्ना दर्ता कार्य सुरु गरिएको हो ।

बिद्युतिय शासन प्रर्बद्धनमा जोड दिने लक्ष सहित ब्याक्तिगत घट्ना दर्ता कार्यलाई अनलाईन प्रणाली मार्फत गर्न लागिएको नगरपालिकाले जनाएको छ । तत्कालको लागि ईन्टरनेटको पहुँच पुगेका वडामा अनलाईन प्रणाली मार्फत ब्याक्तिगत घट्ना दर्ता कार्य गरिने र आगामी दिनमा अन्य वडामा पनि बिस्तार गरिने नगरपालिकाले जनाएको छ ।

वडा नं. ४ मा सुरु गरिएको अनलाइन प्रणाली अन्र्तगत जन्मदर्ता प्रमाणपत्र हस्तान्तरण गर्दै नगरप्रमुख पदमबहादुर बोहराले अथक प्रयास पछि वडानम्वर ४ लाई अनलाईन प्रणाली मार्फत घट्ना दर्ता सुरु गर्न सफल भएको बताए । सो कार्यमा खटिएका एमआईएस कर्मचारी र वडा कार्यालयलाई नगर प्रमुख बोहराले धन्यवाद ज्ञापन गरेका छन् ।

नगरमार्फत प्रवाह हुने सबै प्रकारका सेवालाई छिटो छरितो र प्रभावकारी बनाउन अनलाईन प्रणाली प्रभावकारी हुने उनको विश्वास छ । बाँकी रहेका वडामा पनि ईन्टरनेटको पहुँच विस्तार गरि अनलाईन घट्ना दर्तालाई व्यवस्थित बनाईने बताउदैँ नगर प्रमुख बोहराले परिवर्तित परिस्थितीलाई मध्यनजर गरेर अन्य शाखाका काम पनि छरितो र सेवाग्राही मैत्री बनाउन कर्मचारीलाई आग्रह गरेका छन् ।’

कार्यक्रममा नगर उपप्रमुख सरिता उपाध्याय, वडानम्वर ४ का अध्यक्ष पदम बहादुर धामी, निमित्त प्रमुख प्रशासकीय अधिकृत खकेन्द्र बहादुर सोडारी, स्टोरकिपर नरेश बहादुर कठायत, राजश्व शाखा प्रमुख दपिक खड्का, वडानम्वर १४ का वडा सचिव रमेश डगौरा, वडानम्वर ४ का वडा सचिव उर्मिला जिसी, एम आई एस अपरेटर एकेन्द्र बोगटी, फिल्ड सहायक दिल बहादुर केसी लगायतको सहभागिता रहेको थियो ।