काठमाडौं- कलकत्ता नाइट राइडर्स(केकेआर)ले इन्डियन प्रिमियर लिग (आईपीएल)मा पहिलो जित निकालेको छ। 

शनिार राति सम्पन्न खेलमा उसले सनराइजर्स हैदराबादलाई ७ विकेटले हराउँदै जित निकालेको हो। टस जितेर ब्याटिङ रोेजेको हैदराबादले चार विकेटको क्षतिमा सम्पूर्ण ओभर खेल्दै १४२ रन बनाएको थियो। 

१४३ रनको लक्ष्य पछ्याएको केकेआरले तीन विकेटको क्षतिमा दुई ओभर बाँकी रहँदै १४५ रन बनाएर खेल जित्यो।

हैदराबादका लागि मनिष पाण्डेले ५१ रनको अर्धसतकिय पारी खेले भने कप्तान डेबिड वार्नरले ३६ रन बनाए। त्यस्तै ३० रन बनाएका रिद्धिमन शाह रनआउट भए।

केकेआरका पट कमिन्स, वरुण चक्रवर्ती र आन्द्रे रसेलले समान १-१ विकेट लिए।

जवाफी ब्याटिङमा आएको कलकत्ताका शुभम् गिल ६२ बलमा ७० रन बनाउँदै रनआउट हुँदा इयोन मोर्गनले ४२ रनको योगदान दिए। त्यस्तै, नितिश रानाले २६ रन बनाए।

हैदराबादका खलिल अहमद, टी नटराजन र रशिद खानले समान १-१ विकेट लिए।

पहिलो जितसँगै केकेआरले २ अंक बनाएको छ भने हैदराबाद अंकविहिन रहने एकमात्र क्लब हो।