काठमाण्डौ – सन् २०२२ को डाइभर्सिटी भिसा डिभीका लागि बुधबार रातिदेखि फारम खुल्ला भएको छ । नेपाली समयअनुसार राति पाैने १० बजेदेखि फारम खुल्ला भएको हो।

नेपालमा रहेको अमेरिकी दूतावासका अनुसार अब फारम भर्ना सकिने र यसकाे समयसीमा २०७७ कार्तिक २५ (नाेभेम्बर १०) सम्म ताेकिएकाे छ । 

डीभीको आवेदन खुले पछि निःशुल्क आफैले भर्न सकिन्छ । आवेदनका लागि आवश्यक सम्पूर्ण जानकारी दूतावासको वेबसाइटमा गएर हेर्न सकिने छ । फाराम भर्नका लागि आधिकारिक वेबसाइट http://www.dvlottery.state.gov मा गएर निर्देशनअनुसार प्रक्रिया पूरा गर्नुपर्नेछ ।

दूतावासले डीभी आवेदन भर्दा कन्सल्टेन्टको सहयोग नलिनसमेत आग्रह गरेको छ ।