काठमाडौं- नेपालमा कोरोना संक्रमितको संख्या १ लाख नाघेको छ।

पछिल्लो २४ घण्टामा २ हजार ५९ जनामा संक्रमण पुष्टि भएसँगै कोरोना पुष्टि हुनेको कुल संख्या १ लाख ६७६ पुगेको हो।

पछिल्लो २४ घण्टामा नेपालमा १३ हजार २७९ जनाको पीसीआर नमुना परीक्षण गरिएको छ। यो सहित नेपालमा कुल ११ लाख ४५ हजार २३७ जनाको कोरोना परीक्षण गरिएको छ।

आज २७ हजार ५३ जना सक्रिय संक्रमित रहेका छन्। जसमध्ये ११ हजार १७६ जना संस्थागत आइसोलेसनमा र १५ हजार ८७७ जना होम आइसोलेसनमा छन्।

हाल ४ हजार ७०३ जना क्वारेन्टिनमा रहेको मन्त्रालयले जनाएको छ।

पछिल्लो २४ घण्टामा १० जनाको कोरोना संक्रमणबाट मृत्यु भएको छ। यो सहित नेपालमा कोरोना संक्रमणबाट मृत्यु हुनेको संख्या ६०० पुगेको छ।