बाजुरा – डाक्टर गोबिन्द केसीको समर्थन बाजुरा जिल्लाको पुर्वी उत्तरी क्षत्रको कोल्टीमा शुक्रबार विद्यार्थी आन्दोलनमा उत्रिएका छन्। शिवपार्कमा कोण सभा गर्दै डाक्टर केसीका माग र जीवनको रक्षा गर्न दवाव स्वरुप आन्दोलन गरेको नेविसंघका नेता दिनेश शाहीले बताए ।

बुढीनन्दा नगरपालिकाको कोल्टी बजारमा रहेको शिवपार्कमा मौन बसेर विरोध स्वरुप आन्दोलन गरिएको विद्यार्थी नेता शाहीले बताएका छन । चिकित्सा शिक्षा सुधारको माग गर्दै आमरण अनशनमा बसेका डाक्टर गोविन्द केसीको सर्मथनमा शान्त रुपमा आन्दोलन गरेको नेता शाहीले बताए ।

अनसनरत डाक्टर केसीको जीवन रक्षाको माग गर्दै बाजुराली बिद्यार्थीहरु आन्दोलित भएका हुन् । जायज माग पूरा गर, प्राध्यापक डाक्टर केसीको जीवन रक्षा गर लगायतका नारा लेखिएको प्ले कार्ड सहित शिबपार्कमा आन्दोलन जनाएको विद्यार्थी नेता आशिष गिरीले बताए ।

डाक्टर केसीले राखेको जायज माग पूरा गर्न सरकारलाई दबाब दिने उदेश्यले आन्दोलन गरिएको बिद्यार्थी नेता शाहीको भनाई रहेको छ । शुक्रबार दिउँसो ११ : ५१ बजेदेखि १२ : १७ बजेसम्म धर्नामा बसी आन्दोलन गरिएको थियो ।

निमुखा जनताको लागि अनसनमा बस्दा पनि सरकारले बेवास्ता गर्नु दुःखद भएको बिद्यार्थी नेता शाहीले सोही शिबपार्कमा गरिएको कोणसभामा बताए । डाक्टर गोविन्द केसी जस्तो मानिस मुलुकमा विरलै जन्मन्छन्, जो आफ्नो स्वार्थभन्दा माथि रहेर काम गर्छन्,’ उनले भने, ‘डाक्टर केसी आफ्नो लागि केही गरिरहनुभएको छैन, निमुखा जनताका लागि अनसनरत हुनुहुन्छ ।

तर सरकार गम्भीर नभएको शाहीले कोणसभामा बताए। बिद्यार्थी नेता दिनेश शाहीको संयोजनमा भएको सो आन्दोलनमा बिभिन्न बिद्यार्थी युवा सहभागीता जनाएका थिए ।