अछाम । काठमाण्डौँमा उपचारार्थ पत्रकार ध्रुव बीसीको लागि बान्नीगढी जयगढ गाँउपालिकाकाले आर्थिक सहयोग गरेको छ । पत्रकार बीसीको उपचारमा सहयोग होस् भन्ने हेतुले गाँउपालिकाले ८५ हजार आर्थिक सहयोग गरेको छ ।

दुबै मृगौला फेर भएर काठमाण्डौँमा उपचारार्थ रहेका बीसीलाई डायलाइसिस गर्न राहत पुगोस भनेर आर्थिक सहयोग गरेको पालिका अध्यक्ष राजेन्द्र बहादुर खड्काले बताए ।

पत्रकारीता क्षेत्रमा क्रियाशिल रहेका बीसीले गाँउ समाजका विभिन्न समस्याका बिषयमा कलम चलाउदैँ सामाज सुधारका लागि राम्रो काम गर्दै आइरहेकाले सहयोग गरेको अध्यक्ष खड्काले बताए ।

साथै अध्यक्ष खड्काले पत्रकार बीसीको उपचारमा आवश्यक सहयोग गर्न सबैलाई अपिल समेत गरेका छन् ।

पत्रकार बीसी बिगत चारमहिना देखि काठमाण्डौँमा उपचारार्थ रहेका छन् । उनको हाल सम्म ६ लाख बढी पैसा खर्च भईसकेको छ ।

डाक्टरको सल्लाह अनुसार मिर्गौला प्रत्यारोपण गर्नुपर्ने नै हो तर कोरोनाको कारण ढिलाई भईरहेको र पत्रकार बीसीको परिवारमा समेत बिसीसंग मिल्ने ब्लड ग्रुप नभेटिएका कारण ढिलाई भएको छ ।

हाल उनि डायलाइसिसको भरमा जीवन जिईरहेका छन् ।