अछाम: विप्लव नेतृत्वको नेपाल कम्युनिष्ट पार्टि अछामले तुर्माखाद गाउँपालिकाका अध्यक्ष पुष्पराज शर्मा लाई जनअदालतको कार्यालय अछाममा हाजिर गरि सोधपुछ गरेको छ ।

गत असोज सम्म अछाममा कोरोना रोकथाम ,नियन्त्रण र व्यवस्थापनमा मात्रै करिव ११ करोड २ लाख ७ सय ३३ भन्दा वढि खर्च भएको थियो ।

कोरोना महामारी रोकथाम का नाममा भएको खर्च विवरण को स्पष्ट हिसावकिताव र स्थानिय निर्वाचन पछि को प्रगति प्रतिवेदन को विषयमा आफुहरुले सोधपुछ गरेको नेकपा अछामका कार्यालय सचिव लक्ष्मणले बताए।

तुर्माखाद गाउपालिकाले १ करोड ६लाख ६२ हजार २ सय १६ रुपैयाँ खर्च भएको तथ्य गत असोजमा सार्वजनिक गरेको थियो। सोहि विषयमा व्यापक जनगुनासो आएपछि गाउपालिका अध्यक्ष शर्मा लाई जनअदालतको कार्यालय अछाममा हाजिर गराई सोधपुछ गरेको हो ।

कोरोना कहरकै विच अछाममा अधिकांश स्थानिय तहले त्यहाँका जनप्रतिनिधि र कर्मचारीको मिलोमत्तोमा व्यापक अनियमितता भएका उजुरि जनपरिषद्को कार्यालयमा परेको नेकपा स्रोत अछामले वताएको छ ।

आफुहरु सवै तहको अनुगमन गरिरहेको र यदि अनियमितता गरेको भेटिएमा जनपरिषद् नेपालको निर्देशिकाको आधारमा कार्वाहि गरि छोड्ने जिल्ला जनपरिषद् प्रमुख सौगातले वताए ।

अध्यक्ष शर्मालाई जनअदालतमा सोधपुछ गरि ७ दिनमा जवाफ दिनेगरि साधारण तारिखमा रिहा गरेको नेकपा निकट स्रोतले वताएको छ । यस विषयमा विस्तृत वुझ्नका लागि हामिले गाउपालिका अध्यक्ष पुष्प शर्मालाई सम्पर्क गर्न खोज्दा उनको फोन अफ छ ।