सामाजिक कार्यमा संधै सहकार्य गर्ने – पञ्चदेवल नगर उप्रमुख चलाउने
अछाम : जिल्लाको पञ्चदेवल विनायक नगरपालिकामा सामाजिक सेवा केन्द्र (सोसेक) नेपाल दैलेखले गरिब तथा बिपन्न परिवारलाई बाख्रा बितरण गरेको छ ।
सोसेक द्धारा प्राप्त बाख्रा हस्तान्त्रण गर्दै पञ्चदेवल नगर प्रमुख र उप प्रमुख
दैनिक जिबिको पार्जन गर्न कठिनाई भएका एकल महिला, एचआइभी संक्रमित , पिछडिएका बर्ग तथा बिपन्न घर परिवारलाई वडा नम्वर ४ कालिकास्थानमा बिहिबार एक कार्यक्रमका बिच १२ जनालाई ६० बाख्रा हस्तान्त्रण गरिएको हो ।
सामाजिक कार्यमा अग्रसर रहि कर्णाली प्रदेशमा परोपकारी काम गरिरहेको सोसेक दैलेखले शुदुरको पुर्बी अछाममा आफ्नो सेवा बिस्तार गरेको छ ।
कोरोना महामारीमा गरिब घर परिवारलाई राहत पुग्ने गरि पञ्चदेवल विनायक नगरपालीकाको लागी ६० प्याक चामल, ६० केजि दाल ३० केजि चिनी ८ केजि चियापत्ति ६० केजि नुन ६० पोका तेल, मास्क, ५ ओटा पिपि सेट सेनिटाइजर हस्तान्त्रण गरेको उक्त संस्थाले पछिल्लो समय बिपन्न परिवारलाई ब्यावसायिक र आत्मनिर्भर बनाउन पञ्चदेवल नगरपालिकाका लागी ७ लाख ६० हजारको लागतमा करिब १ सय बाख्रा बितरण गरिएको सोसेक दैलेखका रमेश रावतले बताए ।
बिहिबार वडा नम्वर ४ कालिकास्थानका वडा अध्यक्ष सज्जन शाहीको अध्यक्षतामा सम्पन्न बितरण कार्यक्रममा नगरपालिकाका नगर प्रमुख देबराज देबकोटा प्रमुख अतिथी रहेका थिए ।
सोसेकले दिएका बाख्रा बिपन्न परिवारलाई हस्तान्त्रण गर्दै नगर प्रमुले बाख्राको सहि ढंगले पालनपोषण गर्न र आयआर्जनमा आत्मनिर्भर बन्न अनुरोध गरे ।
यस्तै कार्यक्रमा बिशिष्ट अतिथी रहनु भएकी नगर उप प्रमुख अम्विका चलाउनेले परोपकारी काम गरिरहेको सोसेक दैलेख संग नगरपालिका संधै सहकार्य र समन्वयका साथ अघि बढ्ने बताइन ।नगरपालिकालाई गर्न कठिनाई भइरहेको परोपकारी काम गरेको उक्त संस्थालाई धन्यवाद दिदैँ उनले आगामी दिनमा यस्तै सेवामुलक काम गरिरहन सोसेक दैलेखलाई अनुरोध गरिन ।
बाख्रा पाएका बिपन्न परिवारलाई बधाई दिँदै थोरै बाख्राबाट धेरै उत्पादन गरि ब्यावसायिक बन्न उप प्रमुख चलाउनेले आग्रह गरिन ।
विसं २०५४ सालमा दैलेखमा स्थापित सामाजिक सेवा केन्द्र (सोसेक) नेपाल दैलेखले बालविवाह, छाउपडी प्रथा, महिला हिंसा, बाल अधिकार तथा सामाजिक कुरीति र कुसंस्कारविरुद्ध अभियान चलाउँदै विभेदरहित समाज निर्माणको अभियानमा सकृय भुमिका निर्वाह गर्दै आएको छ ।
प्रतिक्रिया