काठमाडौं- नेपाली कांग्रेसका ६ जना केन्द्रीय सदस्यलाई कोरोना संक्रमण पुष्टि भएको छ ।
आज बस्ने भनिएको केन्द्रीय कार्यसमिति बैठकका लागि गत बिहीबार गरिएको पीसीआर परीक्षणमा ६ केन्द्रीय सदस्यमा कोरोना पुष्टि भएको हो ।
कांग्रेस केन्द्रीय कार्यालयका सचिव प्रकाश शर्माका अनुसार सुरेन्द्र पाण्डे, श्याम घिमिरे, किरण यादव, सुजाता परियार, नसिरसिद्धिकी र कृष्ण किशोर घिमिरेमा कोरोना संक्रमण पुष्टि भएको हो।
शुक्रबार बिहान आएको परीक्षण रिपोर्टमा ६ केन्द्रीय सदस्यमा कोरोना संक्रमण पुष्टि भएको हो। उनकाअनुसार रिपोर्टमा केन्द्रीय सदस्यसँगै शीर्ष एक नेताको सुरक्षार्थ खटिएका दुई सुरक्षाकर्मीमा पनि संक्रमण देखिएको छ ।
यसअघि गत मंसिर १९ गतेका लागि बस्ने भनिएको केन्द्रीय कार्यसमिति बैठकलक्षित गरेर गरिएको परीक्षणका क्रममा पनि कांग्रेसका केही केन्द्रीय सदस्यहरुमा कोरोना भाइरसको संक्रमण देखिएको थियो ।
कांग्रेसको केन्द्रीय कार्यसमिति बैठक भने हिजो नै २४ कात्तिक दिउँसो १ बजेसम्मका लागि स्थगित भइसकेको छ।
प्रतिक्रिया