काठमाडौं । यूएईमा जारी १३औं संस्करणको इन्डियन प्रिमियर लिग (आईपीएल) टी-ट्‌वान्टी क्रिकेटको फाइनल आज (मंगलबार) हुँदै छ ।

आईपीएलको उपाधिका लागि दिल्ली क्यापिटल्स र मुम्बई इन्डियन्सले प्रतिस्पर्धा गर्नेछन् । दुबई अन्तर्राष्ट्रिय क्रिकेट स्टेडियममा हुने दुई टोलीबीचको खेल नेपाली समयअनुसार साँझ ७:४५ मा सुरु हुनेछ ।

आजको खेलमा जित निकाल्दै दुवै टोली पहिलोपटक आईपीएलको उपाधि उचाल्ने योजनामा हुनेछन् ।

पहिलोपटक आईपीएलको फाइनलमा प्रवेश गरेको दिल्ली आजको खेलमा जित निकाल्दै उपाधि जित्‍ने योजनामा छ । 

यता साबिकको विजेता टोली मुम्बई यो सिजन पनि उपाधि जित्‍ने योजनामा छ । मुम्बईले उपाधि जित्न सके लगातार दुई सिजन उपाधि हात पार्नेछ ।

मुम्बई रोहितको कप्तानीमा मैदानमा उत्रनेछ, भने दिल्ली श्रेयश अय्यरको कप्तानीमा छ ।