अछाम । जिल्लामा थप २ जनामा कोरोना संक्रमण पुष्टी भएको छ । जिल्लाको कमलबजार पिसिआर प्रयोगशालामा भएको परिक्षणका क्रममा थप २ जनामा कोरोना भाईरसको संक्रमण देखिएको हो ।

बान्नीगढी जयगढ गाँउपालिका वडा नं. ५ का ४० र ६० बर्षका २ जनामा पुरुषमा कोरोना भाईरस कोभिड १९ को संक्रमण पुष्टी भएको प्रयोगशालाका सुचना अधिकारी टेकबहादुर बिष्टले बताए ।

सुचना अधिकारी बिष्टका अनुसार प्रयोगशालामा बाजुराका एक जनामा समेत कोरोना पुष्टी भएको छ । बाजुराको बुढीगंगा नगरपालिका वडा नं. ३ का ४५ बर्षिय पुरुषमा कोरोना देखिएको हो ।

अछाम जिल्लामा कुल कोरोना संक्रमित संख्या ११ सय ६१ पुगेको छ । जसमा २८ जना सक्रिय संक्रमित रहेका छन् भने ४ जनाको कोरोना संक्रमण बाट मृत्यु भईसकेको स्वास्थ्य कार्यालय अछामले जनाएको छ ।