७ लाख ४७ हजार संक्रमित थपिए 

काठमाडौं । विश्वमा कोरोना संक्रमण फैलिएयताकै सबैभन्दा धेरै पछिल्लो २४ घण्टामा कोरोनाका कारण १३ हजार २९६ जनाको मृत्यु भएको छ ।

यसअघि एकैदिन सबैभन्दा धेरै अप्रिल १७ मा १२ हजार ४८२ जनाको मृत्यु भएको विश्व स्वास्थ्य संगठनको तथ्यांकमा उल्लेख छ । 

यस्तै पछिल्लो २४ घण्टामा संक्रमित हुनेको संख्या ७ लाख ४७ हजार ८२ छ । एकैदिन यति धेरै संक्रमित थपिएको यो पहिलो पटक हो ।

यसअघि सबैभन्दा धेरै नोभेम्बर १४ मा ६ लाख ६८ हजार ९५३ मा संक्रमण पुष्टि भएको थियो । 

विश्वका धेरै देशमा केही समय कमी आएको संक्रमण दर पुनः बढ्न थालेपछि दैनिक संक्रमित तथा मृत्यु हुने दर पनि बढ्दै गएको छ ।  

हालसम्म कोरोनाका कारण विश्वमा १४ लाख ३९ हजार ७८४ जनाको ज्यान गइसकेको छ । संक्रमितको संख्या ६ करोड १२ लाख ९९ हजार ३७१ पुगेको छ ।