बाजुरा : जिल्लाको पुर्वी उत्तरी भेगका बुढीनन्दा नगरपालिका वडा न १ बार्ताेलामा बुधबार सांझ जीप दु’र्घटना हुँदा सात जना घा’इते भएको जिल्ला प्रहरी कार्यालय बाजुराले जनाएको छ ।

हिमाली गाउँपालिकाको धुलाचौरबाट कोल्टी आउदै गरेको से १ ज ३१० नम्बरको जीप बार्ताेलामा दु’र्घटनामा परि सात जना घाईते भएको र दुई पशु चौपाया च्यापिएर मरेको जिल्ला प्रहरी कार्यालय बाजुराका निमित्त प्रहरी नायव उपरिक्षक बलेन्द्र नाथले जानकारी दिए ।

उनले दिएको जानकारी अनुसार धुलाचौरबाट विवाहको जन्ती बोकेर आएको उक्त जीप दु’र्घटनामा परि मुगु जिल्ला खत्याड गाउँपालिका वडा न २ का ३७ वर्षीय टेकबहादुर बुढा सोही गाउँपालिकाका ३७ वर्षीय जयबहादुर बुढा रहेका छन् ।

दुर्घटनामा परी घाइते हुनेमा बुढीनन्दा नगरपालिकाव वडा न ३ का ३२ वर्षीय भीमबहादुर बुढा सोही नगरपालिकाका १६ वर्षीय दिपेन्द्र बुढा ३८ वर्षीय गंग बुढा २२ वर्षीया सविना बुढा रहेको निमित्त प्रहरी प्रमुख नाथले बताए ।

घाइतेमा हुनेमा १८ वर्षीया सुस्मिता बुढा र बडीमालिका नगरपालिका वडा न ७ का तामांगकान्देन थापा भोटे रहेको निमित्त प्रहरी प्रमुख नाथको भनाई रहेको छ ।

घाइते भएका सातै जनाको कोल्टी प्राथमिक स्वास्थ्य केन्द्रमा उपचार भइरहेको दु’र्घटनामा परी घाइते भएका यात्रुका अवस्था सामान्य रहेको प्रहरीले जनाएको छ ।

जीप चालक भने प्रहरीले नियन्त्रणमा लिई घटनाको विषयमा अनुसन्धान भइरहेको निमित्त प्रहरी नायव उपरिक्षक नाथले बताए ।