काठमाडौं । पछिल्लो २४ घण्टामा १ हजार ४४ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार सोही अवधीमा १ हजार २७१ संक्रमित निको भएका छन् । 

हालसम्म नेपालमा कोरोना संक्रमितको संख्या २ लाख ४६ हजार ६९४ पुगेको छ । सक्रिय संक्रमितको संख्या १२ हजार १४८ छ । 

पछिल्लो २४ घण्टामा ११ कोरोना संक्रमितको मृत्यु भएको मन्त्रालयले जनाएको छ । कोरोनाका कारण मृत्यु हुनेको संख्या १ हजार ६७४ पुगेको छ । मन्त्रालयका अनुसार १२ हजार १४८ जना आइसोलेसनमा छन् ।

स्वास्थ्य मन्त्रालयको तथ्यांक अनुसार हालसम्म २ लाख ३२ हजार ८७२ संक्रमित निको भइसकेका छन् । तथ्यांक अनुसार कुल १८ लाख २० हजार ६१८ पीसीआर परीक्षण गरिएको छ ।