काठमाडौं– पछिल्लो २४ घण्टामा देशभर ७३६ जना कोरोना संक्रमित थपिएका छन्। 

स्वास्थ्य मन्त्रालयका अनुुसार यससँगै हालसम्म जम्मा संक्रमितको संख्या २ लाख ५० हजार ९१६ पुगेको छ। देशभर सक्रिय संक्रमितको संख्या भने ९ हजार ७५७ छ।

मन्त्रालयको विवरण अनुसार २४ घण्टामा कोरोनामुक्त भई डिस्चार्ज हुनेको संख्या ८४७ छ। हालसम्म २ लाख ३९ हजार ४१६ जना संक्रमणमुक्त भएका छन्। 

पछिल्लो २४ घण्टामा १३ जना संक्रमितको मृत्यु भएको छ। हालसम्म १ हजार ७४३ जनाको मृत्यु भएको मन्त्रालयले जनाएको छ।