• सागर बिस्वकर्मा

बुटवल । नेपाल जेसिजको ४७ औं राष्ट्रिय महाधिवेशनको दोश्रो दिन आज पनि विभिन्न कार्यक्रमको कार्यतालिका रहेको छ । दोश्रो दिन बिहिबार आज नेपाल जेसिजको साधारण सभा अन्र्तगत दोश्रो भाग ककस हुने भएको आथित्यता शाखा भलवारी जेसिजले जनाएको छ ।

भलवारी जेसिजका महाधिबेशन सचिव सागर बिश्वकर्माका अनुसार ककसको संयोजन निवर्तमान राष्टिय अध्यक्ष महेश पौडलले गर्नेछन् । आजको कार्यतालिका अनुसार साधारण सभा तेश्रो पनि हुनेछ भने भोटरका लागि रजिष्टेशन बन्द हुने सचिव बिश्वकर्माले बताए । बिहिबार नै ओराटोरी कन्टेष्ट र सिनेटर बैठक पनि सकिने सचिव बिश्वकर्माले जानकारी दिए ।

महाधिबेशनको तेश्रो तथा महत्वपूर्ण दिन चुनावका लागि भोटिगं सुरु हुनेछ । बिहान ८ बजे सुरु भएर बेलुका ५ बजेसम्मका लागि समय सिमा तोकिएको छ । ४ वटा एरिया अन्र्तगत छुट्टा छुट्टै हलमा भोटिगंको लागि बुलेटको व्यास्था गरिएको महाधिबेशन सचिव सागर बिश्वकर्माले बताए ।

एक अध्यक्ष पदका लागि ३ जना जेसी अरुणेश्वर खनाल, सिनेटर रविन पोखरेल र जेसी लामनी भण्डारी चुनावी मैदानमा छन् भने कार्यकारीणी उपाध्यक्षका लागि १७ जना र उपाध्यक्षका लागि ४३ जना प्रतिष्पर्धा गर्दैछन् ।

महाधिबेशनको बुधबार नेपाली कांग्रेसका महामन्त्री डाक्टर सशांक कोईरालाले उद्घाटन गरेका थिए । नेपाल जेसिजको आयोजना तथा भलवारी जेसिजको आतिथ्यतामा भईरहेको महाधिबेशनले वर्ष २०२१ का लागि नयाँ नेतृत्व चयन गर्ने छ ।

नेपाल जेसिजका देशरभरीमा १५७ शाखा रहेको छन् । जेसिजले युवाभित्र भएको प्रतिभालाई उजागर गर्दै सफल युवा नेतृत्व प्रदान गर्ने उद्देश्य लिएर काम गर्दै आएको छ ।