धनगढीः सुदूरपश्चिम प्रदेशमा सवारी दुर्घटना बढेको छ। गत विगतका वर्षहरुको तुलनामा चालुुवर्ष सवारी दुर्घटनामा उल्लेख्य बृद्धि भएको पाइएको छ।  

चालु आर्थिक वर्ष २०७७/७८ को सबै भन्दा बढी मसिंरमा मात्रै ७७ सवारी दुर्घटना भएको छ। जसमा ३१ जनाको मृत्यु भएको छ, भने १ पशु समेत मरेको छ। यस्तै १५८ जना घाइते भएको प्रदेश ट्राफिक प्रहरी कार्यालय अत्तरियाको तथ्याकंमा उल्लेख छ। 

मंसिंर महिनामा सबै भन्दा बढी कैलालीमा ८, कञ्चनपुर र बैतडीमा ५/५ जनाको मृत्यु भएको छ। डोटीमा ४ दार्चुला र बझाङमा ३/३ जनाको मृत्यु भएको छ भने बाजुरामा १ र अछाममा २ जनाको मृत्यु भएको छ। 

यस्तै कार्तिक महिनामा ५४ सवारी साधन दुर्घटना भएको छ। जसमा २७ जनाको मृ’त्यु भएको छ । यस्तै सो दुर्घंटनामा १२२ जना घाइते भएका छन्। 

असोजमा ३९ सवारी दुर्घटना हुँदा १० जनाको मृत्यु भएको छ, भने एक पशु मरेको छ । यस्तै ६७ जना घाइते भएका छन्। प्रहरीको तथ्याकं अनुसार गत वर्ष भन्दा यो वर्ष बढी दुर्घटना भएका हुन्।