बाजुरा — बाजुरा जिल्लाको बुढिनन्दा नगरपालिकाका सबै पुजारी तथा पुरोहितहरुले उमेर नपुगी बिबाह गर्ने जो सुकैको बिबाहमा सहभागी नहुने प्रतिबद्धता गरेका छन । बाजुरा लगायत सुदुर पश्चिममै बालबिबाहको भयाभव अबस्था बनिरहेको बेला बुढिनन्दा नगरपालिकाले भने नयाँ कामको थालनी गरेको छ ।

यस अघि पनी बिभिन्न सघं संस्था र सरकारी कार्यालयबाटै बिभिन्न नियम बनाएको भए पनी यस्तो नियम चाही नबनेकोले नगरपालिकाले नयाँ बिधि अपनाएको बुढिनन्दा नगरपालिकाकी नगर उपप्रमुख श्रृष्टी रेग्मीले बताईन ।

मुलुकी देवानी सहिंता २०७४ को भाग ३ परिच्छेद १ दफा ७० (१) मा बिबाह गर्न २० बर्ष पुरा गरेको हुनुपर्ने कानुनमा उल्लेख गरेको भए पनी पुरानै संस्कारअनुसार बिबाह गर्नाले समाजमा नकरात्मक असर पर्दै गएको देखीन्छ । बाल बिबाहले बिकराल अबस्था ल्याएको र अझ थप समस्यामा कोही पनी नपरुन भनेर नगरपालिकाले यहाँका पुजारीहरुलाइ तिन बुदेँ आचारसहिता सहित प्रतिबबद्धता पत्रमा हस्ताक्षर गराएको उपप्रमुख रेग्मीले बताएकी छन ।

सामाजिक वा धार्मीक रुपमा बिबाह गराइने केटा र केटीको नेपाली नागरिकताको प्रमाण पत्र अथवा जन्मदर्ता प्रमाण पत्र माग गरि कानुन बमोजिमको उमेर पुगेका बिबाह गर्नेको हकमा मात्र सामेल हुने पुजारी तथा पुरोहितहरुले प्रतिबद्धता जनाएका छन ।

त्यसै गरी समाजमा उमेर नपुगी बिबाहरु भएको देखेमा वा जानकारी पाएमा यथासिर्घ जानकारी गराउने प्रतिबद्धता समेत गरेको बुढिनन्दा नगरपालिकाका एक पुजारी प्रमानन्द उपाध्यायले बताए । यसरी नियमको उल्लघन गरी त्यस्ता गैर कानुनी बिबाहमा सामेल नहुने भोजमा सहभागी नहुने र भएको खण्डमा कानुन बमोजीम सजाय भोग्न तयार हुने गरी प्रतिबद्धता गराएको पुजारी उपाध्यायले बताए ।

उमेर नपुगी बिबाह गराउनेलाई मुलुकी अपराध सहिंता २०७४ को परिच्छेद ११ दफा १७३ (३) बमोजिम ३ बर्ष कैद र ३० हजार जरिवानाको ब्यबस्था गरिएको छ । तर गाउँमा भने बाल बिबाह गर्नेको संख्यामा भनी कमी नआएको देखीएका कारण बुढिनन्दा नगरपालिकाले यस्तो ब्यबस्था गरिएको उपप्रमुख रेग्मीले बताएकी छन् ।