काठमाडौं – वन तथा वातावरणमन्त्री एवम् नेकपा ओली समूहका केन्द्रीय सदस्य प्रेमबहादुर आलेमगरले सुदूरपश्चिमका मुख्यमन्त्री त्रिलोचन भट्टलाई शिष्टता नभएको आरोप लगाएका छन्।

कैलालीको धनगढीमा प्रदेशस्तरीय जनसभालाई सम्बोधन गर्ने क्रममा उनले यस्तो बताएका हुन्। ‘आज देशका प्रधानमन्त्री विमानस्थल आउँदा स्वागत गर्न पनि पुगेनन्,’ उनले भने,‘शिष्टता पनि नभएको मुख्यमन्त्री। उहाँले दायित्व बिर्सिनुभो, संस्कार बिर्सिनुभो।’

उनले अब मुख्यमन्त्रीका दिन धेरै नरहेको पनि बताए। कैलालीको धनगढीमा आयोजित जनसभामा सहभागी हुन कैलाली पुगेका प्रधानमन्त्री केपी शर्मा ओलीलाई स्वागत गर्न सुदूरपश्चिम प्रदेश सरकारका मुख्यमन्त्रीसहितका मन्त्रीहरु सहभागी भएनन्।