काठमाडौं। पत्नीको उपचारका लागि भारत गएका प्रचण्ड माधब समुहका नेकपा अध्यक्ष पुष्पकमल दाहाल आज स्वदेश फर्कंदै छन्। 

दाहाल आज अपरान्ह ४ बजेसम्म दिल्लीदेखि काठमाडौं आइपुग्ने समय तालिका छ। 

उनी साेमबार पत्नीको उपचारका लागि मुम्बई पुगेका थिए। उनी मुम्बईबाट हिजो बेलुका दिल्ली पुगेका थिए। 

दाहालका प्रेस संयोजक विष्णु सापकोटाले अपरान्ह ४ बजेसम्म अध्यक्ष दाहाल काठमाडौं आइपुग्ने जानकारी दिए। 

उनका अनुसार दाहाल पत्नी सीताको स्वास्थ्य अवस्था सुधारोन्मुख छ। दाहालकी छोरीद्वय रेणु दाहाल, गंगा दाहाल र ज्वाइँ जीवन आचार्य मुम्बईमै छन्।