काठमाडौं । पछिल्लो चौबीस घण्टामा मुलुकभर कोरोना संक्रमणका कारण पाँचजनाको मृत्यु भएको छ ।

योसँगै कोरोनाका कारण मृत्यु हुनेको संख्या नेपालमा १९ सय ३२ पुगेको छ । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा पाँच हजार तीन सयजनाको पीसीआर गरिएकामध्ये ४३० जनाको नतिजा पोजेटिभ आएको छ । 

नेपालमा मंगलबारसम्म जम्मा संक्रमितको संख्या दुई लाख ६५ हजार ६ सय ९८ जना पुगेको छ । त्यस्तै पछिल्लो चौबीस घण्टामा ३९० जना निको भएका छन् ।

योसँगै देशमा कोरोनामुक्त हुनेको संख्या दुई लाख ५९ हजार ३ सय ५८ पुगेको छ । हालसम्म क्‍वारेन्टिनमा २३७ जना छन् भने चार हजार चार सय आठजना आइसोलेसनमा रहेको मन्त्रालयले जनाएको छ ।