अछाम । मंगलसेन महिला बहुउद्देश्यि सहकारी संस्थाको बार्षिक साधारण सभा सम्पन्न भएको छ । संस्थाका अध्यक्ष मनकला न्यौपाने ढुंगानाको अध्यक्षमा सम्पन्न भएको १९ औँ बार्षिक साधारण सभाका प्रमुख अथिति मंगलसेन नगरपालिकाका उपप्रमुख सरिता उपाध्याय रहेकी थिईन् ।

संस्थाका अध्यक्ष न्यौपानले बर्ष भरी भएका प्रगति विवरणको प्रतिबेदन प्रस्तुत गर्नु भएको थियो । यस्तै संस्थाका कोषाध्यक्षले आर्थिक आय व्यायको प्रतिवेदन समेत प्रस्तुत गर्नु भएको थियो । प्रतिबेदनलाई साधारण सभाले सर्वसम्मत पारित गरेको छ ।

संसथालाई आगामी दिनमा अझ बढी प्रभावकारी बनाउदैँ लैजाने अध्यक्ष मनकला न्यौपानेले बताईन् । सभामा प्रमुख अथिति रहेकी नगरकी उपप्रमुख उपाध्यायले सहकारीले राम्रो काम गरेको भन्दै प्रशंसा गर्नुका साथै आगामी दिनमा साथ र सहयोग रहने बताईन् ।

बार्षिक साधारण सभामा संस्थामा इमान्दार, सक्रिय र अनुशासित भएर राम्रो काम गरेको भन्दै ७ जना शेयर सदस्यहरुलाई दोसल्ला र सम्मान पत्रले सम्मान समेत गरिएको थियो । बार्षिक साधारण सभामा संस्थाका पदाधिकारी लगायत अन्य अथितिको समेत सहभागिता रहेको थियो ।