अछाम । देशैभर कोरोना भाईरस कोभिड १९ बिरुद्धको खोप अभियान जारी छ । जस अन्र्तगत तेश्रो दिन पनि स्वास्थ्यकर्मीहरु र अन्य यससंग सम्बन्धी व्यक्तीहरुलाई खोप लगाईएको छ।

अछाम जिल्लामा स्वास्थ्यकर्मी, सफाई कर्मचारी, एम्बुलेन्स चालक र महिला स्वास्थ्य स्वयंसेविकाहरू गरेर २ सय ७३ जनालाई खोप लगाईएको स्वास्थ्य कार्यालय अछामका प्रमुख झनक ढुंगानाले बताए । उनका अनुसार ५८ जना पुरुष र २ सय १५ जना महिला गरी २ सय ७३ जनाले कोभिड १९ बिरुद्धको खोप लगाएका छन ।

जसमा ८२ जना स्वास्थ्यकर्मी, १ सय ५९ जना महिला स्वास्थ्य स्वयम सेविका, स्वास्थ्य संग सम्बन्धीत कर्मचारी २६ जना, सफाई कर्मचारी ५ जना र १ जना एम्बुलेन्स चालक रहेका छन् । कोभिड बिरुद्धको खोप अभियान भोलि १७ गते पनि निरन्तर चल्ने स्वास्थ्य कार्यालय अछामले जनाएको छ ।

यो अवधिमा छुटेकाहरुलाई १८ गते पनि खोप लगाउन सकिने व्यवस्था गरिएको छ ।