अछाममा राष्ट्रिय परिचय पत्र वितरण सुरु भए संगै जिल्लाकाे पञ्चदेवल विनायक नगरपालिका – ५ लयाँटी मा पनी वितरण सुरु भएकाे छ । देशव्यापी रुपमा सुरु भएकाे राष्ट्रिय परिचय पत्र नगरका विभिन्न वडा संगै लयाँटीमा अाज बाट राष्ट्रिय परिचय पत्रकाे लागि दरखास्त फारम भर्ने कार्य सुरु भएकाे हाे । अाज पहिलाे दिन वडाका करिब ९० जनालेपरिचय पत्रका लागि फारम भरेकाे वडा नम्बर ५ लयाँटीका रुजु गर्ने अधिकारी तथा नवज्योति माध्यमिक बिद्यालयका प्रधानाध्यापक खम्मराज बुढाले जानकारी दिए । अाज पहिलाे दिन भएकाले प्रायः नागरिकलाई जानकारी भइनसकेकाे र अबकाे करिब ५ दिन सम्म निरन्तर सेवा दिने उनले बताए । लयाँटी स्वास्थ चाैकी नजिकै बबाचाैरबाट वितरण कार्य सुरु भएकाले परिचयपत्रकाे लागि दरखास्त फारम भर्न अाउँदा नेपाली नागरिकताको सक्कल प्रतिलिपी , उपलब्ध भएसम्म बाबू/ अामाकाे नागरिकताको प्रतिलिपि , नागरिकताको प्रमाणपत्रमा जन्ममिति नखुलेको हकमा साे खुल्ने प्रमाण वा गाउँपालिका/ नगरपालिकाकाे सिफारिस अनिवार्य साथमा लिएर अाउन अधिकारी बुढाले अनुराेध गरेका छन । नागरिकहरुको वैयक्तिक तथा जैविक विवरण समावेश भएको राष्ट्रिय पहिचान सहितको बायोमेट्रिक सुविधायुक्त बहुउपयोगी प्रमाणपत्र सबै नागरिकलाई पुर्याउने राष्ट्रिय परिचयपत्र तथा पञ्जीकरण विभागले जनाएकाे छ सरकारले पाँचथरबाट राष्ट्रिय परिचयपत्र वितरण कार्य शुरु गरेको थियो । आगामी दुई वर्षभित्र सबै नागरिकलाई परिचयपत्र वितरण गर्ने लक्ष्यअनुसार ७७ वटै जिल्लाबाट परिचयपत्र शुरु भएको जनाइएको छ ।