अछाम : ७१ औँ राष्ट्रिय प्रजातन्त्र दिवसको अवसरमा अछाम सबै स्थानिय सरकार तथा विद्यालयहरुले विभिन्न कार्यक्रमको आयोजना गरि मनाएका छन । स्थानिय तहले आफ्नो अग्रसरतामा बजार सरसफाई बिचार गोष्ठिका साथै विद्यालयहरुले बक्तृत्वकला, हाजिरीजवाफ लगाएतका कार्यक्रम गरेका मनाएका छन ।

जिल्लाको मंगलसेन नगरपालिकाले प्रजातन्त्र दिवसको अवसरमा आजबिहान मंगलसेन बजारमा प्रभातफेरी बजार सरसफाई गरि मनाएको छ । नगर प्रमुख पदम बहादुर बोहरा नेतृत्वमा आएको टोलिले दरबार परिसर, धर्मेश्वर मन्दिर परिसर, झाडफुंगा धारा र मुहान, बैरागी धारा परिसर तथा बजार क्षेत्रको सरसफाइ गरेको हो ।

प्रत्येक ठाउमा थुपारेर राखेको फोहोर ब्याबस्थापन गर्दै टिप्परमा हालेर ब्याबस्थापनका लागि डम्फीग साईड पठाईएको थियो । नगर प्रमुख बोहराले नेतृत्व गर्नु भएको टोलिमा प्रमुख प्रशासकीय अधिकृत खकेन्द्र बहादुर सोडारि, सहित नगरपालिकाका कर्मचारी र प्रहरी चौकि मंगलसेनका ईञ्चार्जको नेतृत्वमा प्रहरी टोलि समेत सहभागीता रहेको थियो ।

बान्निगढी जयगढ गाउँपालिकाको आयोजनामा आज बिहान गैरिबजार, देवलबजार, बसपार्क हुँदै कार्यालयसम्म प्रभात फेरी निकालिएको निमित्त प्रमुख प्रशासकीय अधिकृत रामचन्द्र जोशीले जानकारी दिए । सहभागीहरुले व्यानर र प्ले कार्ड लिएर दिवसका अवसरमा प्रभात फेरि गरे पश्चात् गाउँपालिकाको कार्यालयमा आएर कोण सभामा परिणत भएको थियो ।

कार्यावाहक वडा अध्यक्ष कर्ण ठकुल्लाको अध्यक्षतामा भएको कार्यक्रममा सहिद हरुको सम्झनामा मौनधारण गरि राष्ट्रिय गान बजाएर कोण सभाको सुरुवात गरिएको थियो । कार्यक्रममा निमित्त प्रमुख प्रशासकीय अधिकृत राम चन्द्र जोशी, वडा नम्बर ५ कालिकाका वडा अध्यक्ष लाल कामि लगायतले मन्तव्य राखेका थिए ।