अछाम : नेपाली कांग्रेस अछामका सभापति भरत कुमार स्वारले शिक्षक समाजको ऐना भएको बताएका छन् । समाज परिवर्तनको एक अभिन्न अङ्गका रूपमा शिक्षकलाई दिनुपर्ने उनले बताए ।

नेपाल शिक्षक संघ साफेबगर नगर कार्यसमितिको नगर भेलामा प्रमुख अतिथिको आशनबाट बन्दै सभापति स्वारले शिक्षकहरुले सामाजिक कार्यहरुमा पनि क्रियाशील हुनुपर्ने र बिशेष गरी विद्यार्थीहरुलाई पठनपाठनमा पनि ध्यान दिनुपर्नेमा जोड दिए ।

शिक्षक संघ नगर कार्य समिति सभापति बल ठकुल्लाको अध्यक्षतामा भएको कार्यक्रममा नेपाली काँग्रेस अछामका पूर्व पार्टी सभापति मेघराज खड्का बिशिस्ट अतिथि रहेका थिए ।

कार्यक्रममा कङ्रेश महासमिति सदस्य राजन कुवर, महाधिवेशन प्रतिनिधि पदमराज अधिकारी, टक्कर ताम्राकार, नेपाल शिक्षक सङ्घका पूर्वअध्यक्ष देवेन्द्र शाह, नेपाल प्रेस युनियनका केन्द्रीय सदस्य राम बहादुर कुँवर, शिक्षक संघका हर्क विष्ट लगायतका अतिथिले मन्तव्य राखेका थिए ।