काठमाडौं । प्रमुख प्रतिपक्षी दल नेपाली कांग्रेसले ‘राष्ट्रिय शिक्षा नीति’लाई सातै प्रदेशमा छलफल गर्नका लागि प्रदेश संयोजक तोकेको छ ।

कांग्रेसको शिक्षा विभागका प्रमुख एवं कांग्रेस केन्द्रीय सदस्य हरिप्रसाद नेपाल संयोजक रहेको विभागले तयार पारेको राष्ट्रिय शिक्षा नीतिलाई देशभर छलफल गर्ने निर्णय गर्न लागेको हो । 

कांग्रेसले ‘राष्ट्रिय शिक्षा नीति’लाई सातै प्रदेशमा छलफल गर्नका लागि संयोजकसमेत तोकेको विभागका सचिव कृष्णप्रसाद पौडेलले जानकारी दिए ।

उनका अनुसार  प्रदेश १ मा गोकर्ण बानियाँ, प्रदेश २ मा रघुसिंह थारू, वाग्मती प्रदेशमा दीपेन्द्र सिँजापति, गण्डकी प्रदेशमा चिनु रानाभाट, लुम्बिनी प्रदेशमा राधेश्याम पाठक, कर्णाली प्रदेशमा महेन्द्रकुमार मल्ल र सुदूरपश्चिम प्रदेशमा सुरेशराज जोशी संयोजक तोकिएका छन् । 

तोकिएका संयोजकहरुले सातवटै प्रदेशमा छलफल गरी सुझाव सङ्कलन गरिने पौडेलले बताए ।