काठमाडौं– पछिल्लो २४ घण्टामा मुलुकभर थप ११४ जना कोरोना संक्रमित थपिएका छन्। २ हजार ७९० पीसीआर परीक्षण गर्दा ११४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। 

योसँगै नेपालमा कुल संक्रमितको संख्या २ लाख ७५ हजार ४२४ पुगेको छ। पछिल्लो २४ घण्टामा ९४ जना संक्रमणमुक्त भएसँगै हालसम्म संक्रमणमुक्त हुनेको संख्या २ लाख ७१ हजार ४९५ पुगेको छ। 

मन्त्रालयका अनुसार हाल नेपालमा सक्रिय संक्रमितको संख्या ९१५ रहेको छ। पछिल्लो २४ घण्टामा कुनैपनि संक्रमितको मृत्यु भएको छैन। हालसम्म कोरोना संक्रमणबाट मृत्यु हुनेको संख्या  भने ३ हजार १४ छ।