काठमाडौं- नेपाली कांग्रेसको महाधिवेशन प्रभावित नहुने गरी उपनिर्वाचन गर्न प्रधानमन्त्री केपी शर्मा ओली सकारात्मक देखिएका छन्। 

शनिबार प्रधानमन्त्री निवास बालुवाटारमा भएको सर्वदलीय बैठकमा प्रधानमन्त्री ओली रिक्त रहेका स्थानमा उपनिर्वाचन गर्नुपर्ने धारणा राखेका थिए। त्यसपछि नेपाली कांग्रेसले महाधिवेशन प्रभावित नहुने गरी उपनिर्वाचन गर्नुपर्ने बताएको थियो। यसपछि ओलीले कांग्रेससँग छलफल गरी उपनिर्वाचनको मिति तय गरिने बताएका थिए। 

‘नेपाली कांग्रेसले भदौमा आफ्नो महाधिवेशन हुने भएकाले त्यो प्रभावित हुने गरी कार्यतालिका सार्वजनिक गरियोस् भनेको थियो। त्यस विषयमा प्रधानमन्त्रीले कांग्रेससँग परामर्श गर्ने भन्नुभएको छ,’ बैठकपछि बाहिरिने क्रममा परराष्ट्रमन्त्री प्रदीप ज्ञवालीले भने। 

बैठकमा उपनिर्वाचनका विषयमा छलफल भएको थियो। यसका साथै कोरोना भाइरसको संक्रमण न्यूनीकरणलगायतका विषयमा छलफल भएको थियो।