काठमाडौं । नेकपा (एमाले)का अध्यक्ष तथा प्रधानमन्त्री केपी शर्मा ओली र नेता माधवकुमार नेपालबीच आज पनि मेरियट होटेलमा वार्ता भएको छ ।

वार्तामा रहेका ओली र नेपालले सुन्धारास्थित नवनिर्मित धरहराको दृश्यावलोकन गरेको प्रधानमन्त्रीका प्रेस सल्लाहकार सूर्य थापाले जानकारी दिए ।

“प्रधानमन्त्री केपी शर्मा ओली र पूर्वप्रधानमन्त्री एवं सांसद माधवकुमार नेपाल संयुक्त रूपमा नागपोखरीस्थित मेरियट होटेलको भेटघाटकक्षको झ्यालबाट सुन्धारामा नवनिर्मित धरहराको दृश्यावलोकन गर्नुहुँदै,” थापाले ट्वीटमा लेखेका छन् ।

ओली र नेपालबीच बुधबार पनि मेरियट होटेलमा वार्ता भएको थियो ।