काठमाडौं – प्रधानमन्त्री केपी शर्मा ओलीले धरहरा पुनर्निर्माणको खुसीमा घर-घरमा दीपावली मनाउन आग्रह गरेका छन्।

‘पुनर्निर्मित धरहराको फेदमा हामीले  कार्यक्रम मनाइरहेका छौं। म जनताको खुसीमा सरिक हुन चाहन्छु। यो खुसीको क्षणमा घर-घरमा दीपावली गरौं’, उनले धरहरा उद्घाटन गर्दै भने।

ओलीले धरहराको टुप्पोमा पुग्दा आफूलाई फ्रान्सको आइफल टावर चढेको जस्तै भएको बताए। ‘मलाई अलिअलि आइफल टावर चढ्दाको स्मरण भयो। आइफलमाथि पुग्दा उधूम हावा चल्छ। धरहरामा चढ्दा पनि त्यहाँ बहने हावाले बेग्लै आनन्द  दिन्छ’, उनले भने। 

उनले धरहराको टुप्पोबाट काठमाडौंको मनोरम दृश्य देखिने बताए।