फाइल फोटो

अछाम । अछाम जिल्लामा २ साताको अवधिमा ४ जना कोरोना संक्रमितको मृत्यु भएको छ । कोरोनाको दोश्रो लहरमा जिल्लामा ४ जनाको मृत्यु भएको हो ।

कमलबजारका एक बालिका, साँफेबगरका एक पुरुष, मेल्लेख गाँउपालिकाका एक पुरुष र बान्नीगढी जयगढ गाँउपालिकाका एक पुरुष गरी ४ जनाको मृत्यु भएको हो ।

आज जिल्ला अस्पताल अछाममा उपचार गराईरहेका बान्नीगढी जयगढ गाँउपालिका वडा नं. ६ दर्नाका ५० बर्षिय पुरुषको मृत्यु भएको स्वास्थ्य कार्यालय अछामले जनाएको छ ।

उनमा श्वासप्रश्वास लगायत स्वास्थ्यमा समस्या देखिएपछि जिल्ला अस्पताल मगलसेनमा भर्ना गरिएको थियो । अस्पतालमा भएको एन्टीजेन परिक्षणमा उनमा कोरोना संक्रमण पुष्टी भएको थियो ।

शनिबार मात्रै मेल्लेख गाँउपालिकाका एक जना पुरुषको पनि कोरोना संक्रमणकै कारण मृत्यु भएको थियो ।