अछाम । जिल्लाको कमलबजार बजार क्षेत्रका कोरोना संक्रमितहरुको स्वास्थ्य अवस्थाको बारेमा एक टोलीले जानकारी लिएको छ । पछिल्लो समय कोरोना संक्रमितहरुको ”हटस्पट” जस्तै भएको कमलबजार बजार क्षेत्रमा दैनिक जसो संक्रमण दर बढिरहेको पाईएको छ ।

स्वाब संकलनको दायरा फराकिलोे बनाईने हो भने संक्रमित हरु अझ निकै धेरै मात्रा थपिने यहाँका जानकारहरुले आँकलन गरिरहेका छन् । यसैबिच कमलबजार नगरपालिकाका नगर उप प्रमुख भुमी सरण ढकाल ९बजगाई० सहितको एक टोलीले बजार क्षेत्रका कोरोना संक्रमितहरुको स्वास्थ्य अवस्थाको बारेमा जानकारी लिएको हो ।

उक्त टोलीमा कमलबजार अस्पतालका चिकित्सक प्रिती भट्ट, कमलबजार नगरपालिकाका निमित्त प्रमुख प्रशसकीय अधिकृत खडग् बहादुर बिष्ट, ईलाका प्रहरी कार्यालय कमलबजारका प्रहरी निरिक्षक लक्ष्मीराज जैशी लगायतका सम्बद्ध सरोकारवालाहरुको सहभागिता रहेको थियो ।

चिकित्सक सहितको टोलीले बजार क्षेत्रका कोरोना संक्रमितहरुको घर दैलोमै आएर उनिहरुको स्वास्थ्य अवस्थाको बारेमा जानकारी लिनुका लिदै सल्लाह सुझाब एवंम् परामर्स समेत दिएको छ । स्वास्थ्य शुरक्षाको मापदण्ड पालना गर्न समय समयमा साबुन पानीले हात धुन, भौतिक दुरी कायम राख्न, खानपिनमा ध्यान दिन र नआत्तिन पनि उक्त टोलीले आग्रह गरेको छ ।

साथै स्वास्थ्यमा कुनै समस्या भएमा चिकित्सकहरु संग सम्पर्क गर्न पनि आग्रह गरेको छ । यसरी स्वास्थ्यकर्मी सहितको टोली आफ्नो घर दैलोमै आएर आफुहरुको स्वास्थ्य अवस्थाको बारेमा जानकारी लिदा संक्रमित ब्यक्तीहरुले कमलबजार नगरपालिकाको स्वास्थ्य शाखा र सम्बद्ध सबै सरोकारवालाहरुलाई धन्यबाद दिएका छन् ।

यस्तै ईलाका प्रहरी कार्यालय कमलबजारको एक टोली दैनिक जसो गाडीमा सचेतनामुलक सन्देश फैलाईरहेको छ । स्वास्थ्य शुरक्षाका मापदण्ड कडाईका साथ पालना गर्ने लगायतका बिषयमा आम जनतालाई शुशुचित पार्नु आफ्नो दायित्व भएको ईलाका प्रहरी कार्यालय कमलबजारका ईन्चार्ज एवम प्रहरी निरीक्षक जैशीले बताए ।