अछाम । बोलन्या थली अछाम युनिटले जिल्ला अस्पताल अछामलाई १३ थान अक्सिजन सिलिन्डर भरेर हस्तान्तरण गरेको छ । बोलन्या थलीले संचालन गरेको “प्राणका लागि पाँच सय” अभियानमा संकलित रकम बाट अक्सिजन सिलिन्डर रिफिल गरेको थियो ।

बोलन्या_थलीले डडेल्धुरा युनिट को समन्वय तथा अछाम युनिटको पहलमा अक्सिजन दिईएको हो । निरन्तरको प्रयास पछी बोलन्या थली अछाम युनिटले अस्पतालका खाली १३ वटा सिलिन्डरमा अक्सिजन भरेर जिल्ला अस्पताल लाई उपलब्ध गराएको हो ।

बोलन्या थली अछामका संयोजक सुशील भण्डारीले मंगलबार जिल्ला स्वास्थ्य कार्यालय अछामका जनस्वास्थ्यअधिकृत झपट राज ढुंगाना र जिल्ला अस्पताल अछामका मेडिकल सुपरिटेन्डेन्ट डाक्टर अतुल भारद्वाजलाई भरिएका १३ वटा अक्सिजन सिलिन्डर हस्तान्तरण गरे ।

अहिलेको विषम परिस्थितिमा जनताले अक्सिजन नपाएर अकालमै ज्यान गुमाउन नपरोस् भन्ने उदेश्यले जिल्ला अस्पताल अछामलाई अक्सिजन उपलब्ध गराएको बोलन्या थली अछामका संयोजक सुशील भण्डारीले बताए ।

अछाम जिल्ला बाट संघ तथा प्रदेश सभामा प्रतिनिधि गर्ने ११ जना सांसद छन् । जिल्लाका नागरिक कोरोना कहरमा अक्सिजन अभावमा छट्पटाई रहदा पनि उनीहरु बेखर रहेका बेला ११ जना सांसदलाई चुनौती दिदै बोलन्याथलिले अक्सिजन दिएको भन्दै सरोकारवालाहरुले खुशी ब्यक्त गरेका छन ।

महाविपत्तिमा सुदुरपश्चिमका ९ वटै जिल्लाहरुमा आफुले सक्ने जती सहयोग गर्ने बोलन्या थलीका संयोजक यादब जोशीले बताए । साथै जोशीले बोलन्या थलीले संचालन गरेको प्राणका लागि रु ५०० अभियानमा सहयोग गर्ने सम्पुर्ण सहयोगी मनहरुलाइ धन्यवाद समेत दिए ।

केही दिन पहिले मात्रै बोलन्या थली डडेल्धुरा युनिटका संयोजक दिपक भट्ट गाडी सहित आफै नेपालगन्ज पुगेर डोटि र डडेल्धुरा जिल्लामा अक्सिजन उपलब्ध गराएका थिए ।

कोरोना भाइरस कोभिड १९ ले मुलुक नै आक्रान्त बनेको बेला अस्पताललाई अक्सिजन सहयोग गरेकोमा अस्पताल परिवाले धन्यवाद ब्यक्त गरेको छ ।