अछाम । जिल्लाको साँफेबगर वडा नं. ६ जन्मथलो भई कोटेश्वर काठमाण्डौँ बस्दै आउनु भएका दामोदर रावलले बयालपाटा अस्पताललाई आर्थिक सहयोग गरेका छन् ।

राजबहादुर र सत्यदेवी रावलका छोरा हाल अष्टेलियामा रहेका समाजसेवी रावलले बयलापाटा अस्पतालका लागि २५ हजार १ रुपयाँ अािर्थक सहयोग गरेका छन् ।

देश कोभिड १९ ले आक्रान्त भएका बेला स्वास्थ्यकर्मी र अस्पतालले जनतालाई उपचार गरेर सेवा दिईरहेको भन्दै आर्थिक सहयोग गरेको रावलले सुदूरआजलाई बताए ।

अछाम जिल्लामा बयालपाटा अस्पतालले बिरामीहरुलाई निशुल्क गुणस्तरिय सेवा प्रदान गरिहरेको र हाल कोरोना संक्रमित बिरामीको पनि उपचार गरिरहेको भन्दै उपचारमा टेवा पुगोस् भनेर सहयोग गरेको उनले बताए ।

बिपतीका बेला आर्थिक सहयोग गरेको भन्दै बयालपाटा अस्पतालका मेडिकल निर्देशक डा. मन्दीप पाठकले रावललाई धन्यवाद दिएका छन् । अहिलेको परिस्थितीमा यस्तै मनकारीहरुको सहयोगको खाँचो रहेको डा. पाठकले औल्याए ।

कोरोना जितेपछि अस्पताललाई ५५०० सहयोग ।

यस्तै कोरोना संक्रमित भई बयालपाटा अस्पतालमा उपचार गराईरहेका साँफेबगर नगरपालिका पातलकोटका कृष्ण कामीले समेत आर्थिक सहयोग गरेका छन् ।

कोरोना जितेर घर फर्केका उनले आफुलाई सञ्चो भएको भन्दै खुशीले ५ हजार ५ सय आर्थिक सहयोग गरेका छन् ।

कोरोना महामारीले आफु पनि अछुतो रहन सकिएन् यसबेला अस्पताल र स्वास्थ्यकर्मी खटेर उपचारमा संलग्न भएको देख्दा खुशीले मन थाम्नै सकिएन उनले भने थोरै भएपनि टेवा पुगोस् भनेर सहयोग गरेको छु ।