काठमाडौं । पछिल्लो २४ घण्टामा मुलुकभर १७ हजार ६७६ वटा नमुनामा कोभिड संक्रमण परीक्षण गरिएको थियो । जसमध्येबाट ५ हजार १५३ जनामा संक्रमण पुष्टि भएको छ । यस्तै, पछिल्लो २४ घण्टामा १०८ जनाको मृत्यु भएको छ ।

योसँगै नेपालमा अहिलेसम्म कोभिड संक्रमित हुनेकोे जम्मा संख्या ५ लाख ९५ हजार ३६४ तथा मृत्यु हुनेको संख्या ८ हजार ९८ पुगेको छ । त्यस्तै आज ६ हजार ५७० जना संक्रमणमुक्त भएका छन् । 

पछिल्लो २४ घण्टामा सबैभन्दा धेरै काठमाडौंमा ८३६ जना संक्रमित थपिएका छन् भने भत्तपुरमा १२१ र ललितपुरमा २६९ जना संक्रमित थपिएका छन्  । पछिल्लो २४ घण्टामा उपत्यका बाहिर सबैभन्दा धेरै झापामा ३१८ जना संक्रमित थपिएका छन् ।

त्यसैगरी कास्कीमा २२० जना मोरङमा १९१, सुनसरीमा १७१, कैलालीमा १२०, मकवानपुरमा १०६ र सुर्खेतमा १०२ जना संक्रमित थपिएका छन् । आज ताप्लेजुङ्ग, पाँचथर, इलाम लगायतका २४ जिल्लामा १० भन्दा कम संख्यामा संक्रमित थपिएका छन्  । 

आजसम्म देशभर सक्रिय संक्रमितको संख्या ८२ हजार ७३६ रहेको छ । जसमध्ये ७६ हजार ५५० जना होम आइसोलेसनमा, ६ हजार १८६ जना संस्थागत आइसोलेसनमा, १ हजार ३२१ जना आईसीयूमा र ३७२ जना भेन्टिलेटरमा रहेको स्वास्थ्य तथा जनसंख्या मन्त्रालयको तथ्यांक रहेको छ ।