काठमाडौं । नेपाली कांग्रेसका नेता प्रदीप पौडेलले सर्वोच्च अदालतको आदेशले संविधान र लोकतन्त्र झन् बलियो भएको बताएका छन् ।

सामाजिक सञ्जाल फेसबुकमा उनले सर्वोच्च अदालतले प्रतिनिधिसभा पुनः स्थापना गरेर संविधान र लोकतन्त्र झन् बलियो भएको बताए ।

उनले लेखेका छन्, “सम्मानित सर्वोच्च अदालतले प्रतिनिधिसभा पुन:स्थापित गरेर संविधान र लोकतन्त्र झन् बलियो भएको छ । जनमतको अपमान गर्ने ओली अधिनायकबादको अवसान भएको छ । सर्वसत्तावाद र अधिनायकबाद लोकतन्त्रको सामु घुँडा टेकेको छ । तानाशाही बन्न खोज्ने जो कोही जनताको सामू निहुरिनै पर्छ ।“