काठमाडौं– नेपाली कांग्रेसका उपसभापति विमलेन्द्र निधिले सर्वोच्च अदालतको सोमबारको फैसलाको स्वागत गरेका छन्।

प्रतिनिधिसभा पुनर्स्थापना गरेर कांग्रेस संसदीय दलका नेता शेरबहादुर देउवालाई प्रधानमन्त्री नियुक्त गर्ने सर्वोच्चको आदेशको निधिले स्वागत गरेका हुन्। 

सर्वोच्चले संविधान र संसदीय लोकतन्त्रको पक्षमा ऐतिहासिक एवं दूरदर्शी फैसला गरेको उनले बताएका छन्। साथै फैसलाबाट जनतामा सर्वोच्च अदालतप्रतिको विश्वास र सम्मानमा पनि वृद्धि भएको उनको भनाइ छ।