काठमाडौं- एमाले नेता भीम रावलले भारतीय गुप्तचर संस्था ‘रअ’का प्रतिनिधिसँग भेट गरेको भनि आफूविरुद्ध भ्रम फैलाइएको बताएका छन्। यही २० गते आफूविरुद्ध भ्रमपूर्ण समाचार प्रकाशित भएको भन्दै उनले आपत्ति जनाएका हुन्।

एक विज्ञप्ति जारी गर्दै नेता रावलले २० गते साँझ ८ बजेदेखि ९ बजेबीच होटल मेरियटमा आफूलाई जोडेर रअ प्रतिनिधिसँग भेट गरेको भ्रम फैलाइएको उनले बताएका छन्।

‘त्यो दिन साँझ ६ बजे म र रघुजी पन्त माधवकुमार नेपालजीको निवासमा थियौं। त्यही बेला विष्णुजीले फोन गर्दै प्रधानमन्त्रीले बालुवाटारमा भेट्न खोज्नु भएको कुरा गर्नु भयो। उहाँले ७ बजे आउन भन्नु भयो।

कोटेश्वरबाट निस्कदा सवा ६ बजिसकेको थियो। म घर टोखा पुगेर खाना खाँदा ८ बजिसकेको थियो। बालुवाटार पुग्दा सवा ८ भएछ। यही तथ्यलाई बंग्याएको हो’, उनले भने। उनले यस्तो गरेर आफ्नो देशभक्ति र जनताप्रतिको समर्पित जीवन आदर्शमाथि आक्रमण घृणित प्रपञ्च गरिएको आरोप लगाएका छन्।