काठमाडौं- नेपाली कांग्रेसको पदाधिकारी बैठक स्थगित भएको छ। प्रधानमन्त्रीसमेत रहेका सभापति शेरबहादुर देउवाले आज दिउँसो २ बजे बस्ने गरी बोलाएको पदाधिकारी बैठक स्थगित भएको हो।

देउवाको व्यस्तताले बैठक स्थगित गरिएको कांग्रेस मुख्यसचिव कृष्णप्रसाद पौडेलले बताए। उनले शुक्रबार दिउँसो २ बजे बस्ने गरी बैठक स्थगित गरिएको जानकारी दिए।

१४औं महाधिवेशन र क्रियाशील सदस्यताबारे देखिएको विवादमाथि छलफल गर्न बैठक बोलाइएको थियो। बैठकमा सरकारमा सहभागी हुने मन्त्रीहरूबारे पनि छलफल गर्ने तयारी रहेको कांग्रेस स्रोतले जनाएको छ।